Te Thus
Hier êin z’ u afgezet hier verdwijnd’je in historie
In memorie en een bedje nostalgie
Hier ei’j’ verhoalkes verteld
Hier ei’j’ verliefdheden gefluisterd
Hier ei’j’ skeetwedstrydjes g’höden
En hier drôomd’je in den dük
Een rütte vôor uren door noar büten te stoaren
Totdat er geroep’n werd: ’t eet’n es gerjèd
En ton de strijd aangaan me een klots’nde moage
Zes stille verhoal’n en veel gezever
Vrjè veel woord’n en gelach
En ne stillen band die werd gesmeden
Een clubke ne nest vôo noa were te kjèren
In bet’re en minder goeie tijden
Hier êin z’ u afgezet hier verdwijnd’je in historie
In memorie en een bedje nostalgie
Hier ei’j’ verhoalkes verteld
Hier ei’j’ verliefdheden gefluisterd
Hier ei’j’ skeetwedstrydjes g’höden
En hier drôomd’je in den dük
Lôop’n langs stroate nen oavend vol bier
Goe gelach late tranen en blikken van troost
En woorden die den droad ippakk’n
Of den droad nu maar begunn’n
Van verhoalen die veel te lange gezwegen zyn
En nie mjè benauwd en nie mjè zoek’nd
Noar uw plekke tegenover die ander poar handen
gedroagen deur die andre handen
Noar hüs getert ip wankele pootjes
van ‚t bier en nostalgie
Twoalf hand’n ip nen bük
Soms een poar mjèr of minder
Mo te thüs ge zyt thüs
Ôok ol ei’j’ iever el ol een hüs
Langs een boane da’j vele aljèn’ êit gedoan
Met de velo te voete in d’n donker’n of de kloar’n
Van de café’s ken dje nog alsan de noam’n
Moa de persjèn’n zyn nere ’t dorp es aan ‘t sloapen
En nu kwaak tje met drieën noa die vüle ganz’n
Langs de boane die u ’s nachts dikwyls
Üt uw ne roes hè moet’n hoal’n
Vôo slapwel te zegg’n
Teg’n moederlief
die in heure zetel lag te sloapen
Lag te woaken lag te wachten
Hier êin z’ u afgezet hier verdwijnd’je in historie
In memorie en een bedje nostalgie
Hier ei’j’ verhoalkes verteld
Hier ei’j’ verliefdheden gefluisterd
Hier ei’j’ skeetwedstrydjes g’höden
En hier drôomd’je in den dük
Twoalf hand’n ip nen bük
Soms een poar mjèr of minder
Mo te thüs ge zyt thüs
Ôok ol ei’j’ iever el ol een hüs